BALIO TEKNOLOGIKO HANDIKO 4.000 BALBULA BAINO GEHIAGO HORNITZEN ARI DA AMPO, ARAMCO-REN MARJAN INCREMENT IZENEKO PROGRAMARAKO

AMPO POYAM VALVES funtsezko eginkizuna betetzen ari da Ekialde Hurbileko energia-garapen estrategikoenetako batean: Aramcoren Marjan Increment programa. Técnicas Reunidas ingeniaritza Saudi Arabian garatzen ari den Tanajib Gas Plant PK 9&11 proiektuaren esparruan, AMPO balio teknologiko altuko 4.000 balbula baina gehiago hornitzen ari delarik.

Saudi Arabiako Ekialdeko Probintzian kokatutako programa hau Aramcoren epe luzerako estrategiaren parte da, produkzio-ahalmena areagotzeko eta, aldi berean, petrolio gordinen karbono-intentsitatea nabarmen murrizteko, helburua barril bakoitzeko 10 g CO₂eq-koa izanik. 2,5 BSCFD gas eta 85 MBCD kondentsatu diseinu-ahalmenarekin eta Marjan, Safaniyah eta Zuluf eremuetatik eratorrita, proiektu hau funtsezko giltzarria da energia-hornidura fidagarria bermatzeko eta deskarbonizazio-helburuetan aurrera egiteko.

Garapen estrategiko honen barruan, AMPO balio erantsi altuko 4.000 balbula baino gehiago hornitzen ari da, hala nola bola, konporta, globo eta erretentzio balbulak, kriogenikoak zein ez-kriogenikoak, 1”-etik 36”-ra bitarteko tamainetan eta 2500#-rainoko presio-mailatan.

Entrega partzialak 2024an zehar egin dira, eta azken bidalketak aurten eta 2026 artean programatuta daude. Idiazabalgo kooperatiba bere esperientzia zabalarengatik, instalaturiko balbula-base sendoagatik eta bere soluzioen fidagarritasun frogatuagatik izan zen hautatua, bereziki tamaina handiko balbula kriogeniko nahiz presio altuko balbulak hornitzerakoan.

Elkarlan honek indartu egiten du AMPOren papera erreferente global gisa, industria energetikoaren zerbitzu zorrotzenetarako balbula soluzioetan, nazioarteko eragile nagusiei euren helburu operatibo eta jasangarritasun-helburuak betetzen lagunduz.