AMPOK ADNOC-EN ABU DHABIKO MERAM PROIEKTU ESTRATEGIKORAKO BALBULA KRIOGENIKOAK HORNITUKO DITU

AMPO POYAM VALVES-ek teknologia maila altuko balbula kriogenikoak hornituko ditu Abu Dhabin kokaturik dagoen eta ADNOC enpresaren ekimen estrategiko nagusienetakoa den Maximizing Ethane Recovery and Monetization (MERAM) proiekturako, zeinaren helburua gasean dagoen etanoa berreskuratzea den eta haren monetizazioa ahalbidetzea.

Proiektua Técnicas Reunidas eta National Petroleum Construction Company (NPCC) enpresen arteko joint venture-ari esleitu zaio, eta Arabiar Emirerri Batuetan gauzatuko da, gasa prozesatzeko Abu Dhabin kokatutako Habshan 5 izeneko instalazioetan izango duelarik bere erdigunea. 3.600 milioi dolarreko inbertsioarekin, ADNOCen epe luzeko estrategiaren zutabe nagusietako bat izango da MERAM, etanoaren berreskuratzea indartu eta herrialdearen hazkunde industriala bultzatuz.

Proiektu handi honen baitan, AMPOk guztira 116 balbula kriogeniko hornituko ditu 2025 eta 2026 urteen artean: horietatik 68 balbula 12 hazbetetik gorakoak izango dira, eta 48, 12 hazbetetik beherakoak. Horietako batzuk 24″, 30″ eta 36″ tamaina artekoak izango direlarik.

Balbula horiek tenperatura oso baxuko baldintzetan jardungo dute lanean, etanoaren berreskuratze-prozesu osoan fidagarritasun eta segurtasun handiena bermatuz. AMPO POYAM VALVES hautatu izana gure esperientzia sendoaren eta balbula kriogenikoetan dugun lidergo teknologikoaren erakusgarri argia da.

Técnicas Reunidas nahiz ADNOC konpainiek AMPOren alde egin dute, gure produktuen kalitate maila altuagatik eta fidagarritasunagatik ez ezik, baita eskala handiko energia-proiektuetan eta aplikazio kriogenikoetan dugun esperientzia zabalarengatik ere. Lankidetza honek are gehiago indartzen du AMPOren posizioa, zerbitzu zorrotzenetarako teknologia maila altuko balbula soluzioetan nazioarteko erreferente gisa.