AMPO, “Made in Euskadi” saria

Azaroaren 3an Euskal Enpresa eta Gizartea Fundazioak ematen duen “Made in Euskadi” saria jaso zuen AMPOk, zeinak kooperatibaren ibilbidea, nazioarteko bokazioa, berrikuntzarekiko apustua, bezeroenganako orientazioa eta Euskadirekiko konpromisoa aitortzen duen.

Iban Ferreira, AMPOko Kontseilu Errektoreko presidenteak, kooperatibako kide guztien izenean jaso zuen saria, Bilboko Guggenheim Museoan ospatu zen Euskal Enpresaren Gauaren 34. edizioan. Bere hitzaldian, gure balioak, ibilbidea eta konpromiso kolektiboa nabarmendu zituen Ibanek; horiei esker, balbula fabrikatzaile izatetik fluidoen manipulaziorako sistema integralen ingeniaritza bilakatu garelarik, gure bezeroei balio erantsi handiagoa eskainiz eta haiekin batera energia-sektoreko erronka konplexuenetan lan eginez.

Ekitaldian beste euskal enpresa batzuen talentua eta berrikuntza ere aitortu ziren. Velatia taldeko presidente eta kontseilari den Javier Ormazabal Echeverria, 2024ko Euskal Enpresari Onena izendatu zuten; Danobat Group eta Zunibal enpresek Enpresa Berrikuntza Saria jaso zuten, eta Bayer AG-k Euskal Makila eskuratu zuen.

Itxiera-ekitaldian, Eusko Jaurlaritzako Industria, Energia Trantsizio eta Jasangarritasun sailburuak, Mikel Jauregik, sari hauek euskal enpresen talentua ikusarazteko eta sustatzeko duten garrantzia azpimarratu zituen.