BASF BEZEROAREN TXINAKO KONPLEXU PETROKIMIKO ZABALERAKO TEKNOLOGIA MAILA ALTUKO KONPORTA BALBULA FORJATUAK HORNITU DITU AMPOK

AMPOk arrakastaz hornitu du BASF bezeroaren CR Cluster proiekturako teknologia aurreratuko konporta balbula forjatuen sorta bat. Proiektu hori BASF (Guangdong) proiektu integratuaren parte da, eta Txinako Guangdong probintziako Zhanjiang hirian kokatuta dago. Balbulak etileno-unitatean instalatuko dira, konplexu petrokimiko handi honen atal nagusienetako batean. Proiektuaren erabiltzailea BASF da, munduko enpresa kimiko nagusienetako bat, eta ingeniaritza lanak HQC  bezeroak burutu ditu, AMPOren bezero historiko batek.

Proiektu hau mugarri garrantzitsua da AMPOrentzat, atzerritar jabetzapekoa den lehen planta petrokimikoa baita honako hau Txinan, BASF-entzat. Hornitutako soluzioak F91 materialean fabrikatutako konporta balbula forjatuak dira, eragingailu pneumatiko eta elektrikoekin hornituak, eta 24”-1500# pressure seal diseinuko konporta-balbula forjatuak barne hartzen dituztelarik. Presio altuko zerbitzuetarako material berezietan eta tamaina handiko balbuletan daukagun ingeniaritza eta fabrikazio gaitasunaren erakusgarri argia dira honako hauek.

BASF (Guangdong) proiektu integratua bezero honek mundu mailan egindako inbertsio ausartenetako bat da, 10.000 milioi dolarreko aurrekontu estimatuarekin. Lurrun-cracker bat eta downstream ekoizpen-instalakuntza ugari barne hartzen ditu, Verbund gunearen muina osatzen dutenak. Cracker nagusi hori eta gainontzeko instalazio auxiliarrak 2025.urte amaieran martxan jartzea aurreikusten da. Behin guztiz osatuta, BASFen munduko hirugarren konplexu handiena izango da eta Txinan jabetza guztiz atzerritarra duen lehen planta petrokimikoa. Konplexu hau fabrikazio adimendunaren erreferente gisa diseinatu da, digitalizazio-, automatizazio- eta jasangarritasun-printzipioak integratuz, %100 energia berriztagarria eta karbonoaren murrizketarako teknologiak erabiliz.

AMPOk harrotasunez hartu du parte proiektu esanguratsu honetan, BASFen presentzia merkatua asiarrean indartuko duen eta automobilgintza, eraikuntza eta elektronika bezalako industriak babestuko dituen ekimenean. Lorpen honek are gehiago sendotzen du AMPOren presentzia sendoa eta aitortutako esperientzia merkatu petrokimiko globalean, eta gure posizioa finkatzen du zerbitzurik zorrotzenetarako balbula-soluzio teknologikoki aurreratuen partner fidagarri gisa.