Service by: AMPO POYAM VALVES

Zerbitzu zorrotzetarako asentu metalikodun boladun balbulak, LMEL-ren slurry garraiorako

ERRONKA:

Slurry-aren garraioa ahalbideratzen duen meatzaritza-sektoreko aplikazio exigenteenetako baterako balio teknologiko handiko balbulak hornitzea, zero ihes bermatuz eta errendimendu optimoa eskainiz egooera abrasibo nahiz presio altuko inguruneetan.

SOLUZIOA:

AMPOk zerbitzu zorrotzerako asentu metalikodun 65 boladun balbula —18” eta 1500 lbs artekoak— diseinatu eta fabrikatu zituen LMEL-ren 85 km-ko slurry-hoditeriarako, Surjagarh burdin-meategia Konsari altzairutegiarekin konektatzen duena. Balbula horietako batzuk hidraulikoki eragiten ziren. Zerbitzu zorrotzeko aplikazioetan hamarkadetan zehar lortutako esperientzian eta Indian duen historia sendoan oinarrituta, AMPOk balbula bakoitzaren diseinua eta material hautaketa pertsonalizatu zituen, errendimendu optimoa eta zero-ihes tasa bermatzeko. Proiektu honek AMPOren lidergoa indartzen du ingurune industrial bortitzenetarako irtenbide sendo eta pertsonalizatuak garatzen.

Numaligarh Refinery Limited (NRL)-en Coker Unitatearen eguneraketarako balbulak

ERRONKA:

Numaligarh birfindegian dagoen Coker Atzeratuko Unitatearen eguneraketarako zerbitzu zorrotzeko balbulen pakete osoa diseinatu eta hornitzea, bere ahalmena 0,306 MMTPA-tik 0,560 MMTPA-ra handitzea helburu duen proiekturako. Aldi berean, Indiako energia-infraestruktura estrategikoenetakoa den proiektu honen funtzionamendu-, segurtasun- eta errendimendu-estandar zorrotzak betez.

SOLUZIOA:

Coke Drum Structure Package (CDSP)-erako teknologia maila altuko coker balbula pakete osoa hornitzen ari da AMPO, 4 bideko switch balbulak,  motorizatutako ar balbulak, ring-type balbulak eta zerbitzu zorrotzetarako boladun balbulak , 12” #900 lbs eta 24” #300 lbs artekoak, hain zuzen. Paketeak switch balbulentzako kontrol-panel integratuak ditu, guztiak errendimendu eta integrazio proba zorrotzen mende. Coker balbulen teknologian 40 urte baino gehiagoko esperientzian oinarrituta, AMPOk mundu osoko birfindegi garrantzitsuenentzako soluzioak eskaintzen ditu. Hornikuntza 2025eko erdialderako programatuta dago, eta AMPO SERVICEk laguntza  emango du instalazio eta martxan jartze prozesuan, Coker Unitatean integrazio ezin hobea bermatuz.

AMPOk inoiz egin duen axial erretentzio balbula handiena (60”x64”), Borouge 4 izeneko petrokimika konplexurako

ERRONKA:

Planta petrokimiko baten etano-cracker unitaterako axial erretentzio balbulak hornitzea. Besteak beste,  AMPOk inoiz egin duen axialeko balbula handiena (60”x64”) diseinatu eta fabrikatzea, presio-galera minimizatu, zero emisioak bermatu eta fidagarritasun luzeko errendimendua lortuz egoera operatibo zorrotzetan.

SOLUZIOA:

AMPOk 74 axial erretentzio balbula kriogeniko eta ez-kriogeniko diseinatu eta fabrikatu zituen Borouge 4 planta petrokimikoaren etano-cracker unitaterako, 10”-tik 60”x64”-ra eta 150#-tik 1500#-ra bitarteko tamaina eta presioetan. Balbula handiena, 60”x64”-koa, simulazio eta kalkulu aurreratuak, pertsonalizatutako muelleak, nahiz  proba eta aurre-muntaketa ikuskapen zorrotzak burutuz diseinatu zen, proiektuaren eskakizun zorrotzak betetzeko. AMPOren axialeko balbulen diseinuak zero emisioak bermatzen ditu,  ingurunera irekierarik ez duelako, ur-hammerra saihesten du, presio-galera minimoa eta operazio egonkorra bermatzen ditu, edozein orientaziotan funtzionatzen du, diskoaren erreakzio berehalakoa da eta fluxu nabarmeneko murrizketetara auto-amortiguazio azkarra bermatzen ditu, trinkoa eta arina da eta mantentzerik ez du behar bere non-slam diseinuari esker, bizitza luzea eta errendimendu optimoa eskaintzen dituelarik. AMPOk Technip Energies eta Borougerekin elkarlanean lan egin zuen balbula-konfigurazio optimoak bermatzeko, proiektu petrokimiko estrategiko honen arrakastan lagunduz.

Zuluf Tie-In Platform (ZTP) 5 proiektuaren eguneraketarako gainazaleko MOV bola eta globo balbulak

ERRONKA:

Instalazio epe zorrotzak dituen planta geldialdi baterako,  Aramcoren espezifikazio tekniko eta funtzional zorrotzak betez, korrosio eta higadurarekiko erresistentzia handia duten gainazalerako balio erantsi altuko balbulak hornitzea.

SOLUZIOA:

AMPOk bola eta globo balbula motorizatuak (MOV) diseinatu, fabrikatu eta hornitu ditu —16” eta 1500 lbs artekoak— Inconel 625 estaldurekin, baldintza zorrotzetan iraunkortasun handiagoa izan dezaten. Estaldura operazio guztiak AMPOren Idiazabalgo instalazioetan egin dira, soldadura aurreratuko robotak eta zelula automatizatuak erabiliz, kalitate eta errendimendu maila handienak bermatuz. Balbulek funtsezko papera izango dute fluidoen bideraketa eta kontrolerako Zuluf plataformako konexio puntuetako sistemetan, eta planta geldialdi batean instalatuko dira, non materialaren hornikuntza eta eskuragarritasuna giltzarri izango diren. AMPOk gainazaleko upstream aplikazioetan duen esperientzia sakona eta antzeko proiektuetan duen esperienzia faktore erabakigarriak izan ziren Lamprell eta Aramcoren konfiantza irabazteko.

Pluto LNG-ren bigarren trenerako tamaina handiko balbulak, kriogeniko nahiz eta ez-kriogenikoak

ERRONKA:

To meet the technical complexity and extreme service conditions of Pluto LNG Train 2 by providing highly engineered valve solutions, including large-size valves (up to 38” and 2500 lbs), ensuring long-term reliability and safety in cryogenic and non-cryogenic applications.

Pluto LNG proiektuaren bigarren treneko konplexutasun tekniko eta zerbitzu-baldintza muturrekoak betetzea, teknologia maila altuko balbula handiak hornituz — 38” eta 2500 lbs arte—, eta fidagarritasun eta segurtasun iraunkorra bermatuz bai aplikazio kriogenikoetan bai ez-kriogenikoetan ere.

SOLUZIOA:

AMPO POYAM VALVESek 1.500 balbula inguru hornitu ditu —bola, konporta, globo, erretentzio eta axial erretentzio balbula kriogeniko eta ez-kriogenikoak, —38” eta 2500 lbs arte, Pluto LNG proiektuaren tren berrirako, Scarborough-eko gasa prozesatuko duena eta urtean 5 mtpa GNL ekoiztuko duena. AMPOk proiektu honetako lehen trenean izandako arrakasta medio,  eta  karbono gutxiko aplikazioetan eta GNL alorrean kooperatibak duen esperientzia sakona tarteko, Woodside-ek eta Bechtelek berriro ere AMPOra jo zuten bigarren tren honen garapenerako. Proiektuak AMPOren gaitasuna nabarmentzen du, balbula handiak eta teknologia maila altuko soluzioak hornitzeko, zerbitzu-baldintza espezifiko eta zorrotzenetara egokituta, eta horrela bere lidergoa indartzen du GNLko azpiegitura globalean.

Energia-eraginkortasuneko E4Efficiency proiektu berritzaile baterako balbula kriogenikoak

ERRONKA:

GNLaren regasifikazio-prozesuetatik energia hotz hondatua berreskuratzea eta hori Europa hegoaldeko hirietako hozte-sare handienetan integratzea, aldi berean errendimendu altua, segurtasuna eta fidagarritasuna bermatuz baldintza kriogeniko muturrekoetan.

SOLUZIOA:

AMPO POYAM VALVESek teknologia maila altuko 200 balbula kriogeniko inguru diseinatu, fabrikatu eta entregatu zituen —eragindakoak zein manualak—, E4Efficiency proiektuak zehazturiko eskakizun teknikoen arabera,  Bartzelonako GNL terminalerako. Enagás, Veolia eta Bartzelonako Udalarekin lankidetzan garaturiko ekimen aitzindari honek, GNLaren hotz naturala berreskuratzen du, energia hori Ecoenergies Bartzelona sarera injektatuz, zeina Europa hegoaldeko hiriko hozte-sare handiena den.

Sistema honek urteko 131 GWh energia lokal, jasangarri eta lehiakorra sortuko du, 32.000 tona CO₂ emisio baino gehiago saihestuz. GNLan 40 urte baino gehiagoko esperientzia eta Enagás-ekin harreman sendoa izan ondoren,  proiektuaren arrakasta eta iraunkortasuna bermatzeko AMPO hautatu zuten proiektu honetarako.

E4Efficiency-k garatu eta patentatutako teknologia berritzaileari esker, energia izugarri hotza modu eraginkorrean aprobetxatzen da, GNL plantak eta energia hotza erabiltzen duten industriak hurbiltzen lagunduz, hala nola hotz biltegiratze instalazioak, izotz fabrikak, airea bereizteko plantak, CO₂ solidoaren industriak, eta abar. Horrela, industria hauek lehiakorragoak eta jasangarriagoak izaten laguntzen du.

Munduko 60”ko boladun balbula kriogeniko handienak, AEBetako Corpus Christi (CCL) likuefakzio proiekturako

ERRONKA:


Cheniere bezeroaren Corpus Christi LNG plantaren eskakizun tekniko eta operatibo zorrotzak betetzea, teknologia maila altuko balbulak hornituz,  tartean inoiz fabrikatu diren boladun balbula kriogeniko handienak, baldintza kriogeniko muturrekoetan fidagarritasunez funtzionatzeko gai direnak, isolamendu perfektua eta errendimendu iraunkorra bermatuz.

SOLUZIOA:


2012tik, AMPO POYAM VALVESek 16.000 balbula baino gehiago hornitu ditu Corpus Christi proiekturako, tartean balbula kriogenikoak, ez-kriogenikoak, tenperatura altuko metal-metal boladun balbulak eta HIPPS balbulak.
Harribitxi nagusia: 60”ko boladun balbula kriogenikoen entrega, munduko handienak, gure instalazioetan guztiz diseinatu, fabrikatu eta probatuak. Balbula hauek errendimendu, fidagarritasun eta mantentze optimoa bermatzen dute, eta funtsezko rola betetzen dute plantaren eraginkortasun eta errentagarritasunean.

Gainera, AMPO-ren inplikazioa Corpus Christi proiektuan balbula fabrikatzearen gainetik joan zen. Enpresak aholkularitza teknikoa eman zuen balbulen hautaketa eta konfigurazioan, hamarkadetan zehar eskuratutako esperientzian oinarrituz, plantaren behar zehatzak asetzeko. Era berean, AMPO SERVICE taldea beti dago instalazio eta operazio gaietan laguntzeko prest,  erabateko integrazioa eta fidagarritasun iraunkorra bermatuz.

Tianjin-go (Txina) Polikarbonato gunea

ERRONKA:

2019an, Sinopec Sabic Tianjin Petrochemical Co. Ltd. (SSTPC) enpresa mistoak bola-balbula batzuen diseinua eta fabrikazioa enkargatu zuen. Horietako batzuek AMPO RCM balbulak monitorizatzeko sistema izan behar zuten, polikarbonatoa solidotzeko arazoei aurre egiteko.

Tianjinen polikarbonato-gunea Sabic-ek garatu zuen, polikarbonatoari dagokionez munduko lizentziarik aurreratuenetako bat duen konpainiak. Lizentzia hori arrakastaz aplikatu da aurretik, Cartagenako (Espainia) Sabic lantegian. Gune honek urtean 260.000 tona polikarbonato ekoizteko ahalmena du.

SOLUZIOA:

Proiektu honetarako, AMPO POYAM VALVESek balio teknologiko handiko bola-balbula isolatzaileak fabrikatu eta hornitu zituen, ekintza bikoitzeko eragingailuekin eta AMPO RCM balbulak monitorizatzeko sistemarekin, AMPOk patentatutako mantentze-sistema prediktiboa. Polikarbonato-guneko ekoizpen-lerro kritikoenetan instalatu ziren balbula horiek.

AMPO POYAM VALVES enpresak garatutako AMPO RCM sistemak (Remote Condition Monitoring) balbulen parea/posizioa monitorizatzen du, eta instalazioan instalatutako balbuletan etorkizunean gerta daitezkeen akatsak detektatzen ditu. Hori dela eta, ustekabeko geldialdiak prebenitzen eta horien eraginkortasuna areagotzen laguntzen du. Sistema horri esker, balbulak etengabe konektatuta daude, eta, horrela, AMPO POYAM VALVESek balbulen egoera monitorizatu eta azter dezake.

Pennsylvania Chemicals proiektua (Potter Township, Pennsylvania, AEB)

ERRONKA:

Pennsylvania Chemicals gune petrokimikoa (gaur egun Shell Polymers Monaca) mundu mailako instalazio bat da, urtean 1,6 milioi tona polietileno granulu ekoizten dituena eguneroko produktuak sortzeko: elikagaien bilgarriak, produktu industrialak eta zerbitzukoak. Etanozko cracker bat, polietilenozko hiru unitate, 275 MW-eko ziklo konbinatuko kogenerazioko instalazio elektriko bat, ura tratatzeko instalazio bat eta produktuak gordetzeko biltegi handi bat ditu, trenak eta kamioiak kargatzeko instalazioekin.

Megaproiektu hau eraikitzen ari zirela, bezeroek balio teknologiko handiko 4.500 balbula diseinatu, fabrikatu eta hornitzeko enkargua egin zuten. Bechtel obra nagusiaren kontratista izan zen instalazioa eraiki, funtzionamenduan jarri eta abiarazteko.

SOLUZIOA:

Proiektu honetarako, AMPO POYAM VALVESek arrakasta handiz ekoiztu eta hornitu zituen 4.500 balbula berezi eta balio teknologiko handikoak: bolako balbula kriogenikoak edo tenperatura altuko bola-balbulak (550 ºC) goi-presioko etileno-unitateetarako. AMPO POYAM VALVESek proiektu honetan eta aldi horretan Bechtelen funtsezko beste proiektu batzuetan hartutako konpromisoa dela-eta, 2019an Bechtelek AMPO POYAM VALVES Hornitzaile Onena izendatu zuen ingeniaritza horren Hornidura Katearen urteko sarietan.

Enpresak hainbat faktoretan oinarrituta ebaluatu ziren, hala nola: jarduera orokorra, kalitatezko zerbitzuak eta produktuak garaiz emateko gaitasuna, proiektuaren mugarriak betetzeko lankidetzan lan egiteko ahalmena, eta proiektuaren aurreikuspenak betetzeko edo gainditzeko ahalmena, segurtasunari, errendimenduari, gaitasun teknikoari eta ingurumen-arloko betetze-mailari dagokienez. Bechtelen erosketa-kudeatzaileek eta proiektuek ebaluatu eta onartu zituzten izendapenak, eta zuzendaritzak berretsi egin zituen.

AMPO POYAM VALVESek 20 urte baino gehiago daramatza Bechtelekin batera lanean, balio teknologiko handiko balbulak hornitzen mundu osoko lehen mailako proiektuetarako, hala nola: Pennsylvania Chemicals proiektua, Corpus Christi-ren likidotze-proiektua, Sabine Pass-en likidotze-proiektua, Atlantic LNG, Australian LNG, Angola LNG, Jamnagar findegia, Al Taweelah-ko alumina-findegia, etab.

SASA Ekoizpen Gunea – PTA (Adana, Turkia)

ERRONKA:

SASA POLYESTERek, poliesterrezko zuntza, harizpi-haria, poliesterrean oinarritutako polimeroak, polimero bereziak eta tartekoak ekoizten munduko liderretako batek, Técnicas Reunidas enpresari esleitu zion, 2020an, azido tereftaliko purifikatua (PTA) ekoizteko planta petrokimiko berriaren proiektua gauzatzea Adanan, Turkian. Instalazioak 1,5 milioi tonako edukiera izango du urtean.

PTAren ekoizpen-gunea eraiki bitartean, bezeroak material berezien eta balio teknologiko handiko 7.100 balbula inguru diseinatu, fabrikatu eta hornitzeko enkargua egin zuen.

SOLUZIOA:

Proiektu honetarako, AMPO POYAM VALVESek arrakastaz ekoitzi eta hornitu zituen altzairu herdoilgaitzezko, duplexezko, super duplexezko eta titaniozko 7.100 boladun, konporta, globo eta erretentzio balbula, 32” eta 1.500 libra artekoak. Aipagarria da proiektu honetarako 420 titanio-balbula inguru garatu direla, 14” eta 600 libra artekoak.

AMPOk esperientzia handia du PTArekin, etilenoarekin, propilenoarekin, butadienoarekin, bentzenoarekin, toluenoarekin, xilenoarekin, metanolarekin, ongarriekin, hornidurekin eta sistema osagarriekin, helioarekin, airea bereizteko instalazioekin eta abarrekin lotutako proiektuetan. Proiektu horietarako balio teknologiko handiko fluidoak maneiatzeko soluzioak eskaintzen ditu aplikazio zorrotzenentzat eta material berezienentzat.