Zer da Barneko Informazio Sistema?
Barneko Informazio Sistema da AMPO S.Coop. sozietateak, balizko irregulartasunei buruzko informazioa jaso eta kudeatzeko ezarritako sistema. Sistema horretan, informazioa ematen duten pertsonen errepresalien aurkako babesa bermatuko da, baldin eta komunikazioa ezarritako lege-esparruaren barruan badago.
Erreferentziazko araua Whistleblowing Zuzentaraua da (1937/2019 Europako Zuzentaraua), baita Espainiako legerian hura jasotzen duen Legea ere, hain zuzen 2/2023 Legea, arau-hausteei eta ustelkeriaren aurkako borrokari buruzko informazioa ematen duten pertsonen babesa arautzen duena.
Gaitutako barne-kanalen bidez, gure erakundearekin lan- edo lanbide-harremana duen edonork jakinarazi ahal izango dizkigu balizko arau-hauste penalak, administratiboak (larriak edo oso larriak) edo Europar Batasuneko zuzenbidearen aurkako arau-hausteak, baita gure kode etikoaren ez-betetzeak ere. Segurtasun- eta konfidentzialtasun-berme osoz eta inolako errepresaliarik jasan gabe egingo du, baldin eta fede onez jardun badu.
Barneko Informazio Sistema Compliance sistemaren barruan dago, eta elementu hauek ditu:
- Barneko Informazio Sistemaren politika edo oinarrizko printzipioak.
- Sistemaz arduratuko den organoa, espezifikoa eta independentea, Zuzendaritza Batzordeak legez izendatua eta informazioak jasotzeaz eta tramitatzeaz arduratuko den pertsona fisikoa izendatuko duena.
- Komunikazioak jasotzeko barne-kanalak, legezko segurtasun- eta konfidentzialtasun-baldintzak betetzeko diseinatuak eta gaituak.
- Komunikazioak kudeatzeko prozedura, nahitaez bete beharrekoa, jasotako komunikazioak hartzeko, tramitatzeko eta ebazteko prozesuaren babesa, konfidentzialtasuna, objektibotasuna eta eraginkortasuna bermatzen dituena.
- Plataforma informatikoa, kasuen berri ematea eta tramitazioaren barne-kudeaketa ahalbidetzen duena. Hori modu seguruan egiten dugu, eta legez horretarako ahalmena duten pertsonek soilik eskuratu ahal izango dituzte datu horiek. Horretarako, webgune pribatu bat dago, kasuaren informazioa eta dokumentazioa informazio-emailearekin bi norabidetan trukatzeko eta kasuaren jarraipena egiteko.
Whistleblowing zuzentarauaren eraginpean ez dauden AMPO Taldeko gainerako sozietateek gure Compliance sistema korporatiboan horretarako aurreikusitako kanal etikoei eusten diete.