BRASILGO MEATZARITZA SEKTOREAN PRESENTZIA SENDOTU DU AMPOK, BALIO ERANTSI ALTUKO MRO BALBULA SOLUZIOAK ESKAINIZ

Brasilgo meatzaritza sektorerako MRO soluzioen hornitzaile estrategiko gisa bere posizioa sendotzen ari da AMPO. Azken urteotan enpresak hazkunde etengabea lortu du merkatu estrategiko honetan, eta meatzaritza operadore nagusien, hala nola Anglo American, Samarco, Norsk Hydro, Vale eta CBMM-ren, konfiantza irabazi du. Gaur egun, herrialde osoan zehar urteko mantentze-lanen programetarako balbulen ordezkapen nagusiak hornitzen ditu AMPO SERVICE-ek.

Brasilgo ponpa-azpiegitura kritikoetan ditugu balbulak instalatuta

AMPO POYAM VALVES-en zerbitzu zorrotzetarako balbulak Brasilgo slurry eta relaben ponpa-azpiegitura nagusienetan instalatuak izaten ari dira (Anglo American-en PS1 eta PS2, Samarco-ren PS Mariana eta PS Matipó, CBMM-ren Araxáko instalazioetan eta Vale-ren azpiegituretan), herrialdeko meatzaritza konpainia nagusiek kudeatzen dituztenetan, hain zuzen. Azpiegitura hauek mineral slurry-aren garraioan funtsezko aktiboak dira, eta ponpa bakoitzak bost funtsezko balbula behar izaten ditu, haien helburu nagusia ponpen operazioen segurtasuna bermatzea delarik:

• Ponparen xurgapen balbula (presio baxua)
• Ponparen deskarga balbula (presio altua)
• Drenajeko hiru balbula

Unitate hauez gain, AMPOk teknologia maila altuko blokeatzeko balbulak ere hornitzen ditu, azpiegitura nagusietako hodien sistemetan, segurtasuna eta fidagarritasuna indartuz.

AMPOren balbulek %50 gehiago irauten dute

AMPO-ren zerbitzu zorrotzetarako boladun balbulek Idiazabalen garaturiko teknologia aurreratuak integratzen dituzte, iraunkortasun, eraginkortasun eta segurtasun operatibo maximoa bermatzeko. Hobekuntza teknologiko hauek Brasilgo meatzaritza sektorean marka gogokoenetako bat izatera eraman dute AMPO, egoera zorrotzenetako fidagarritasunagatik aitortua. Lortutako errendimendu datuek erakusten dute ubikazio kritikoetan instalatuta dauden AMPO POYAM balbula hauek beste alternatiba batzuekin alderatuta %50 gehiago irauten dutela, AMPO-ren diseinu eta fabrikazio gaitasunek nabarmentzen duten lorpena.

Gainera, AMPO SERVICE edozein balbula “plug and play” moduan ordezkatzeko gai da, bere soluzioak dauden dimentsioetara egokituz eta bezeroei %100 bateragarriak diren balbulak hornituz.

Epe luzeko fidagarritasuna bermatzen duen partner estrategikoa

Presentzia zabala eta fidagarritasun ospe sendoa izanik, Brasilgo meatzaritza operadoreei laguntzeko konpromisoa du AMPOk, aholkularitza aditua, zerbitzu zorrotzeko soluzioak eta ingeniaritza mailako laguntza etengabea eskainiz. Lankidetza etengabe honek enpresaren lidergoa berretsi egiten du eskualdeko meatzaritza industriaren barruan eta operazio industrial kritikoen errendimendua eta segurtasuna hobetzeko duen konpromisoa erakusten du.