AMPOK INOIZ FABRIKATU DUEN AXIAL ERRETENTZIO BALBULARIK HANDIENA HORNITU DU BOROUGE 4 IZENEKO PETROKIMIKA KONPLEXUARENTZAKO: 60”X64”-KO BALBULA

AMPO POYAM VALVES-ek balio erantsi altuko 74 axial-erretentzio balbula diseinatu eta fabrikatu ditu Borouge 4 proiekturako, Ruwaisen (EAU) kokaturik dagoen Borouge petrokimika-konplexuaren zabalkunde-proiektuaren ethane-cracking unitaterako. Horien artean, enpresak inoiz fabrikatu duen axial-erretentzio balbularik handiena dago: 60”x64” tamainako balbula bat. Proiektu honek instalazioaren ekoizpen-ahalmena 1,4 milioi tonatan handitzea du helburu, guztira 6,4 milioi tona urteko (mtpa) produkzio maila batetara iritsiz.

Borouge 4 petrokimika konplexuak hainbat produkzio-unitate izango ditu, eta bere produktu nagusiak etilenoa, propilenoa, butadienoa, MTBE, 1-butenoa, Pygas, 1-hexenoa eta bentzenoa izango dira, elikadura mistoko cracker berritik eta bere beste unitate batzuetatik eratorriak. Etilenoa eta propilenoa, polietileno eta polipropileno produktuak sortzeko erabiliko dira.

Proiektu honetarako, guztira 74 axial-erretentzio balbula kriogeniko eta ez-kriogeniko hornitu ditu AMPOk, 10” eta 60”x64” arteko tamainak eta 150# eta 1500# arteko presio-mailak dituztenak. Proiektuaren garapenean lankidetza estua izan du Technip Energies ingeniaritza-enpresarekin, EPC proiektuaren arduradunarekin, eta baita Abu Dhabi Polymers Company Ltd. (Borouge)-rekin, plastiko-soluzio berritzaileen hornitzaile nagusienetakoa denarekin. Borouge-ren instalazioetan etilenoa, polietilenoa, propilenoa eta polipropilenoa ekoizteko punta-puntako teknologiak erabiltzen dira. Borouge da konplexu petrokimiko honen jabea, eta Adnoc eta Borealis-en arteko joint venture bat da.

AMPOk inoiz fabrikatutako axial-erretentzio balbula handiena

Idiazabalgo kooperatibak inoiz fabrikatu duen axial-erretentzio balbula handiena garatu du Borouge-rako: 60”x64” tamainako balbula. Bere diseinuak eta fabrikazioak kalitate-kontrol zorrotza eskatzen zuen, besteak beste, simulazio aurreratuak, muntaketa aurretiko ikuskapenak eta balbularen tamaina eta zehaztapenei egokitutako funtzionaltasun-probak.

AMPO POYAM VALVES-ek laguntza teknikoa eskaini du balbula-soluzio optimoen hautaketa prozesuan, eta Cv balioen kalkulu zehatzak, irekiera-mailak eta presio-galerak aztertu ditu, proiektuaren eskakizun zehatzen arabera errendimendu eta fidagarritasun handiena bermatzeko. Horrez gain, muelleak aplikazio bakoitzerako bereziki diseinatu dira, eta materialak zehazki aukeratu dira.

Ezaugarri bereziak

Diseinu aurreratuenenari esker, axial erretentzio balbula hauek ezaugarri hauek dituzte:

• Ur-mailuaren efektua saihesten dute eta presio-galera minimoa eta operazio egonkorra bermatzen dute.
• Edozein orientaziotan modu eraginkorrean funtzionatzen dute, baita linea bertikal eta inklinatuetan ere, ez baitira grabitatearen menpekoak ixteko.
• Diskoaren berehalako erreakzioa eta autoamortiguazio azkarra eskaintzen dute fluxu-jaitsiera nabarmenetan, atzerako fluxua eta balbularen kolpeak murriztuz.
• Trinko eta arinak dira.
• Isuririk gabeko funtzionamendua bermatzen dute, taparik edo ingurunearekiko bestelako irekiunerik ez dutelako.
• Mantentze-lanak behar ez dituztenez, bizitza erabilgarri luzea dute. “Non-slam” diseinuari esker, ez dira ohiko balbula asimetrikoetan gertatzen diren inpaktu bortitzen eraginpean egoten. Ez dute osagai bigunik, junturarik edo eraztun elastikorik, hauek gastatu, deslerrokatu edo ordezkatu beharrik izan ez dezaten. Gainera, metal-metal zigilu-sistemak %100eko fidagarritasuna duen itxiera hermetikoa lortzen du.

Mugarri berri honen bidez, AMPOk bere presentzia indartu du industria petrokimikoan, eta Borouge 4 bezalako eskakizun maila altuko proiektuetan parte hartzen jarraitzea du helburu. Zerbitzu zorrotzenetarako balbula teknologikoki aurreratuen fabrikazioan munduko lider gisa duen posizioa sendotzen jarraituz.