Zerbitzu kriogenikorako balbulak GNL (gas natural likidotua) eta PGL (petrolio-gas likidotua) terminaletan erabiltzeko eta garraio ontzietan erabiltzeko pentsatuta daude bereziki. AMPOk GNLaren eta PGLaren kate osorako balbulak fabrikatzen ditu, ondorengo aplikazioetan aurkitu ahal izaten direlarik: gasa lortzeko ganberetan, garraio hodietan, likidotzeko prozesuan, garraio itsasontzietan, ekoizpen, biltegiratze eta deskargarako unitate flotatzaileetan (FPSO), birgasifikatzeko terminaletan, eskari maximoetarako plantetan (peak shaving plant); biltegiratzeko andeletan, etab.

Gure balbulak, halaber, behe tenperaturetan erabiltzen dira eta irtenbiderik onena ematen dute hainbat erabileratan, hala nola etilenoarekin, oxigenoarekin, nitrogenoarekin, planta petrokimikoetan edo findegietako prozesu berezietan.